شه‌هید مه‌لا عه‌لی ره‌سووڵیی

شه‌هید مه‌لا عه‌لی ره‌سووڵیی

كاك مه‌لا عه‌لی ڕه‌سوڵیی ساڵی-١٣٣٨-ی کۆچیی هه‌تاویی(١٩٥٩-ی زایینیی) له‌‌ گوندی (سپیاڵ)ی ناوچه‌ی شارباژێڕی باشووری كوردستان له‌ بنه‌ماڵَه‌یه‌كی جوتیار چاوی به‌ دنیا هه‌ڵێنا. له ‌ته‌مه‌نی-٧-ساڵاندا ڕوویكرده‌ مه‌كته‌بی قورئان و حوجره‌كانی كوردستانی به‌ كانگه‌ی زانست ‌و فێربوون هه‌ڵبژارد و چه‌ندجار ئه‌مدیو و ئه‌ودیوی كوردستانی پشكنی. پێش ئه‌وه‌ی خوێندنه‌كه‌ی ته‌واو بكا گونده‌كانی ئه‌و ناوچه‌ی بنه‌ماڵه‌ی كاك مه‌لا عه‌لی لێبوو گوێزرانه‌وه‌ بۆ ئوردوگاكان، به‌ڵام بنه‌ماڵه‌ی شه‌هید مه‌لا عه‌لی قبووڵیان نه‌كرد و كۆچیان كرد بۆ رۆژهه‌ڵاتی كوردستان و له‌ گوندی (وڵیاوا)ی ناوچه‌ی بانه‌ نیشته‌جێبوون‌. زۆری پێ نه‌چوو كه‌ شۆڕشی تێكڕایی گه‌لانی موسوڵمانی ئێران بۆ رووخاندنی رژیمی شایه‌تیی ده‌ستی پێكرد، كاك مه‌لا عه‌لی یه‌كێك له‌ لاوه‌ چالاك و به‌هه‌ڵسووڕه‌كانی شاری بانه‌ له‌و شۆڕشه‌ مه‌زنه‌دابوو.
له‌-٥-ی خه‌رمانانی-١٣٥٩-كه‌ رێكخراوی(خه‌بات) وه‌ك رێکخراوێكی خاوه‌ن به‌رنامه‌ی ئیسلامیی له‌ كوردستان به‌ ئاشكرا تێكۆشانی خۆی ده‌ست پێکرد، شه‌هید مه‌لا عه‌لی به‌ لایه‌نگرێكی دڵسۆزی رێكخراوه‌كه‌مان ناسرا، و له‌ به‌هاری-١٣٦٠(١٩٨١) دا هاته‌ ناو ڕیزی پێشمه‌رگه‌كانی (خه‌بات)ه‌وه‌.
لێهاتوویی ئه‌و دڵسۆزه‌ وای كرد كه‌ له‌ مانگی-١٢-ی-١٣٦٠ -دا به‌ فه‌رمانده‌ی لكی شه‌هیدانی (بۆیه‌ن) و، پاشانیش له‌ زستانی-١٣٦٢-به‌ جێگری فه‌رمانده‌ی هێزی شه‌هید سه‌ید خلیل هه‌ڵبژێردرا. رۆژی-٤/٣/١٣٦٣(٢٥/٥/١٩٨٤) له‌ شه‌ڕێكی گه‌وره‌ و درێژخایه‌ن له‌گه‌ڵ دوژمنانی کورد و کوردستان پێكرا و،‌ سه‌ر له‌ به‌یانیی رۆژی دواتر ‌چاوی له‌سه‌ریه‌ك نا و له‌م دنیایه‌‌دا خوداحافیزیی لێ كردین و شه‌هید بوو.