خه‌ڵات بۆ دایکی شه‌هید*   خه‌ڵات ده‌که‌م دایکی شه‌هید خه‌ڵاتێك جێی رێزلێنان بێ به‌رگی ره‌شی لێ داده‌نێم هه‌تا شاد و کامه‌ران بێ کراسێکی پێ ده‌به‌خشم چه‌قڵی چاوی نه‌یاران بێ گه‌لێک قۆز و جوان و ره‌نگین به‌ناوبانگی سه‌ر جیهان بێ ره‌نگی سپی وه‌کو قه‌ندیل وه‌ك گیاڕه‌نگیش سه‌وز و جوان بێ له‌ ناویدا خۆری هیوا تیشکی به‌ره‌و نیشتمان بێ گه‌شتر له‌ پشکۆی گه‌شاوه‌ سوور وه‌ك خوێنی شه‌هیدان بێ تۆ بڵێی چی بێ ئه‌و خه‌ڵاته؟ وا پیرۆز و له‌به‌ردڵان بێ به‌پێی ناو و نیشانه‌که‌ی ده‌بێ ئاڵای کوردستان بێ     * ئه‌م هۆنراوه‌یه‌ له‌ ئاهه‌نگی پێنجی خه‌رمانان، بیستوهه‌شته‌مین ساڵڕۆژی دامه‌زرانی رێکخراوی خه‌بات،ی شۆڕشگێڕی کوردستان دا له‌لایه‌ن خوشکه‌ شه‌هلا مه‌حموودنه‌ژاد ه‌وه‌ خوێندرایه‌وه.

www.yekshewe.net    

 © 2008 Peshraw Maarifati. All Rights Reserved.